இன்றைய புனிதர் 2016-01-25 ஸ்டாப்லோ நகர் துறவி போப்போ Poppo von Stablo OSB

                                 

பிறப்பு 978, டெய்ன்சே Deynze, பெல்ஜியம்

இறப்பு25 ஜனவரி 1048,மார்கீனெஸ் Marchiennes, பெல்ஜியம்

இவர் நீதிபதிக்கான படிப்பை கற்றார். இவர் 1000 ஆம் ஆண்டு புனித நாட்டிற்கு புனிதப் பயனம் ஒன்றை மேற்கொண்டார். அங்கிருந்து மீண்டும் உரோம் சென்றடைந்தார். அப்போது புனித பேதுரு மற்றும் புனித பவுலின் கல்லறையை சந்தித்தார். அதன்பிறகு அங்கிருந்து ரைம்ஸிற்கு Reims திரும்பி 1005 ஆம் ஆண்டு செயிண்ட் தீயரி St.Thierry என்றழைக்கப்பட்ட துறவற மடத்தில் சேர்ந்தார். அம்மடத்தில் சேர்ந்து 3 ஆண்டுகள் கழித்து அங்கிருந்து செயிண்ட் வான்னே St.Vanne என்ற இடத்திலிருந்த இல்லத்திற்கு மாற்றப்பட்டார். அப்போது புகழ்வாய்ந்த துறவி ரிச்சர்ட் அவர்களிடமிருந்து துறவற வாழ்விற்கு தேவையான சில பயிற்சிகளைப் பெற்றார்.

அச்சமயத்தில் ரிச்சர்ட் ஏறக்குறைய 20 துறவற இல்லங்களை கட்டினார். அவ்வில்லங்கலை கண்காணிக்கும் பொறுப்பை ரிச்சர்ட், போப்போவிற்கு வழங்கினார். போப்போ தன்னிடம் வழங்கிய பணிகளை மிக நேர்மையாக திறம்பட ஆற்றினார். இதன் பயனாக இன்னும் 17 துறவற இல்லங்களை கவனிக்கும் பொறுப்பும் வழங்கப்பட்டது. இவர் தன்னிடம் ஒப்படைக்கப்பட்ட அனைத்துப் பணிக்கும் ஒழுங்குகளை அமைத்து தானும் அதைக்கடைபிடித்து வாழ்ந்தார். உண்மையுள்ள ஊழியனாக எளிமையான வாழ்வை வாழ்ந்தார்.


செபம்:
உண்மைக்கு சான்று பகர வந்த எம் மூவொரு தெய்வமே! அனைத்து மாந்தரின் முன் உமது உண்மைக்கு சான்று பகர துறவியான போப்போவை ஏற்படுத்தினீர். நாங்கள் எச்சூழலிலும் பின்வாங்காமல் உண்மையான வாழ்வை வாழ செய்தருளும். எங்களிடம் ஒப்படைக்கும் பணிகளில் நீதியோடு செயல்பட்டு உமக்கு சான்று பகிர்ந்து வாழ்ந்திட நீர் வரமருள வேண்டுமென்று இறைவா உம்மை மன்றாடுகின்றோம்.